Den 19. Mai spillt den FCB d’Championsleaguefinall géint Chelsea zu München. Och zu dem Anlass kann een en Menu am Home virbestellen. Dobäi handelt et sech em Porcelet farci mat Gromperenzalot. Dat zum Präis vun 16 €. Bestellen kann een per Telefon um 507859.
Den 12. Mee spillt den FCB jo d’Finall vum DFB-Pokal zu Berlin géint Dortmund. Fir dësen Event ass et méiglech am Home ze iessen. Et gett Fritten, Ham an Zalot. Et muss een sech awer virdrun um Tel.: 50 78 59 (Café am Home) umellen. Den Präis ass 14 €.
D’sozial Engagement gëtt beim FC Bayern München grouss geschriwwen. An dofir ass et och nëmmen normal, dass mir eis als Fanclub dësem Engagement upassen. Wéi 2011 och, huelen mir och dëst Joer um TELEVIE deel.
D’Engagement vum Fanclub an d’Reaktiounen op d’Scheckiwwerreeschung vun 2010 sinn bis op München bei déi Verantwortlech vum Veräin virgedrongen an dofir hunn si sech direkt bereet erklärt den FCBPet asbl bei der Aktioun vun 2012 ze ënnerstëtzen. Dofir war et eis och méiglech en original Trickot mat der Ënnerschrëft vum Franck Ribéry ze kréien. Dësen Trickot gëtt elo bis den 12. Abrëll 2012 versteet. Déi aktuell Offer steet bei 500 €. Weider Infoen fannt Dir hei.
Een vun eisen Memberen huet eis dës schéi Fotoen zoukommen gelooss.
Den 21.03.2012 huet den FC Bayern München zu Mönchengladbach géint d’Borussia gespillt. Den FCBPet war mat 45 Memberen dohinner den Match kucken an huet en spannenden Match gesinn, deen schlussendlech duerch en Eelefmeterschéissen 2:4 zu Gonschten vum FCB ausgaang ass. Elo geet et dann den 12. Mee op Berlin géint den BVB
Norichten vum FCB
